Së shpejti minorenët që përdorin internetin dhe rrjete të ndryshme duke falsifikuar moshën dhe shpesh edhe me konsensusin e prindërve mund të kenë llogari në Gmail dhe Youtube në “përmasat e tyre” dhe sigurisht me mbikëqyrjen e mamasë dhe babait. Në fillim të këtij viti Google po mendonte për të përshtatur një version të Youtube-it për fëmijët dhe që mund ta përdornin në tabletë.
“Tashmë kompania kërkon që të stabilizojë një sistem të ri që i lejon prindërve të organizojnë llogaritë e fëmijëve në internet duke kontrolluar sesi i përdorin shërbimet që ofron Google dhe çfarë informacionesh marrin”, shkruan Wall Street Journal.