Protestë kundër rritjes së çmimit të energjisë

Referuar një proteste e cila do të mbahej kundër rritjes së çmimit të energjisë elektrike, policia ka marrë masat duke vënë në pranga Altin Goxhaj, pasi do të prishte konferencën e Ramës.
Arrestimi i tij është bërë për shkak të një proteste të paligjshme që ai kishte parashikuar të mbante para Pallatit të Kongreseve, kundër rritjes së çmimit të energjisë.
Protesta do të bëhej në kohën që kryeministri Edi Rama do mbajë një konferencë për aksionin që nis sot, për ndëshkimin e atyre që vjedhin energjinë elektrike.
Ndërkaq, denoncimi për shoqërimin e Altin Goxhajt në polici është bërë nga Partia Demokratike. Të njëjtat burime shtojnë se ai është shoqëruar për në Komisariatin Nr.1 dhe pritet që të lirohet më vonë.