Dhëndri plagos me automatik vjehrrin e tij pas një debati të ashpër. Ngjarja e rëndë ka ndodhur në Kamzë të Tiranës ku T. Cami, 38 vjeç ka qëlluar mbi vjerrin e tij Përparim Koka, 65 vjeç. Ky i fundit është dërguar në gjendje të rëndë në spitalin e Traumës. Mësohet se ngjarja ka ardhur si pasojë e një debati në familje, ku në gjaknxehtësi e sipër 38-vjeçari ka qëlluar mbi vjehrrin. Ai është arrestuar nga policia, ndërsa pritet dhe sqarimi i rrethanave.