Sali Juniku, gazetar TCH: Bekim, çfarë ndjeve kur lojtarët serbë po përpiqeshin të dhunonin flamurin shqiptar?
Bekim Balaj, futbollist i kombëtares: Ishte një reagim që çdo shqiptar do ta bënte. Menduam në fillim që do ia dorëzonin arbitrit të katërt dhe loja do të vazhdonte normalisht. Më vonë nga irritimi i tifozëve nisën të reagonin. Për atë flamur kanë dhënë jetën ndër shekuj shqiptarët dhe ishte gjëja më e paktë që bëmë ne.
Sali Juniku: Në një moment u godite nga një tifoz me karrige…
Bekim Balaj: Për fat të mirë nuk më goditi në kokë pasi u mbrojta me dorë. Në atë moment u irrituan edhe lojtarë të tjerë dhe situata përshkallëzoi.
Sali Juniku: A patët ndonjë moment frikë? Frikë për jetën?
Bekim Balaj: Situata ishte e nderë, shumë tifozë hynë në fushë në ato momente, por për fat të mirë arritëm të hyjmë shpesh në dhomat e zhveshjes pasi nuk dihej nëse do të kishte më siguri për ne në atë stadium. /