I shërohet gruaja nga kanceri, fal pasurinë. Multimilioneri që mbeti i vetëm

Shet shtëpinë dhe shumë sende me vlerë ngaqë gruaja iu shërua nga kanceri. Anglezi Brian Burnie, i lumtur që gruaja iu shërua nga kanceri i gjirit, shiti shtëpinë për 16 milionë funte, bëri ankand për shumë sendeve, e më pas të gjitha paratë i dhuroi për të sëmurët me kancer.

Katër vjet më vonë, ish-gruaja e tij Shirley tregon se çfarë e shkatërroi martesën e tyre. "Nuk doja që të gjitha t’i dhuronte. Na duhej shtëpia dhe të ardhurat, sepse kemi tre fëmijë. Doja siguri për familjen. Prioritet i tij u bë të ndihmuarit, vetëm të ndihmuarit”.

Këto janë fjalët me të cilat shprehet Shirley pas ndarjes me Brian Burnie. Sipas Shirley, burri nuk e ndali aktivitetin humanitar pasi kjo e bënte të lumtur.