Në Librarinë e Kongresit Amerikan, në shkurt 2017, janë botuar një sërë hartash, të cilat i përkasin periudhës së Luftës së Parë Botërore 1914-1918, ku me mjaft rëndësi historike janë disa harta që i përkasin territorit të Shqipërisë.
Në to shihen qartë pretendimet territoriale të fqinjëve tanë jugorë dhe veriorë mbi trojet etnike të shqiptarëve.
Në njërën prej tyre më tërheq vëmendjen përbërja etnike e popujve të Ballkanit, ku dominon popullsia shqiptare.
Hartat janë një element dhe dokumet i rëndësishëm në shkrimin dhe interpretimin e historisë së një vendi.
Gjithashtu, në Librarinë e Kongresit Amerikan zënë vend dhe disa botime për Shqipërinë dhe shqiptarët si nga autorët tanë, ashtu dhe nga studiues të huaj. Vëmendja e kushtuar nga Libraria e Kongresit Amerikan për Shqipërinë dhe shqiptarët dhe sidomos për çështjet e kufijve është mjaft domethënëse.
