De Biasi ka theksuar sërish se gjithçka që ndodhi erdhi për shkak të keqorganizimit nga ana e vendësve, aq sa dukej qartazi se edhe policia ishte indiferente ndaj dhunës që pllakosi në stadium mes lojtarëve shqiptarë dhe tifozëve serbë që u futën në fushën e lojës.
Deklarata - "E kam thënë me qindra herë se gjithçka erdhi nga keqorganizmi, por ajo që më bëri më shumë përshtypje ishte fakti se edhe forcat e rendit nuk lëvizën as gishtin e vogël, teksa ndodhnin ato incidente. Ishin gjëra, të cilat nuk i kisha parë kurrë në karrierën time. Ekzistonte një klimë urrejtjeje ndaj shqiptarëve që para se të shkonim në stadium, por edhe më pas, gjatë ndeshjes dhe derisa u larguam. Natyrisht, unë si italian e përjetoja në një mënyrë disi tjetër, paksa më të largët gjithë atë urrejtje", deklaroi De Biasi.
Droni - Dikush që bën diçka të tillë, duhet të jetë paksa i çmendur, por ajo gjë mund të ketë qenë edhe thjesht një provokim", ka pohuar tekniku italian.
Pikërisht për shkak të dronit me flamurin e Shqipërisë etnike, skuadra jonë u dënua me 100 mijë euro gjobë nga Komisioni i Etikës dhe Disiplinës. Gjithsesi, ky vendim do të apelohet në ditët në vijim, menjëherë sapo UEFA të sjellë zyrtarisht në Federatën Shqiptare të Futbollit (pritet sot), vendimin e argumentuar.