Sot në “Allianz Arena” zbresin 11 kampionë bote. Bayern – Dordmund luhet sonte në orën 18:30 dhe është ndeshje e vlefshme për javën e 10-të të Bundesligës.
Aktualisht, Bayerni është 14 pikë mbi Dortmundin dhe duket sikur diferencat mes këtyre dy ekipeve janë të mëdha, por fusha ka treguar gjithmonë të kundërtën.
Pavarësisht formës së dobët që po kalon Dordmundi, trajneri Klopp ka deklaruar se sot kërkon vetëm fitoren. Një duel që ka sjellë gjithmonë spektakël dhe interesimi është mjaft i madh.