Kryeministri Edi Rama konsideron se flamuri shqiptar i shpalosur mbrëmjen e djeshme në Beograd nuk mund të konsiderohet një provokim, në një fushë futbolli të mbushur me flamuj të Serbisë dhe tifozë që thërrisnin në kor “Vritini shqiptarët”. Në një intervistë për "Zërin e Amerikës", shefi i qeverisë shqiptare tha se incidenti në stadiumin e Beogradit “ishte një fatkeqësi e madhe për sportin më popullor në botë, por ishte një shfaqje plotësisht e dënueshme dhune dhe racizmi”.
