Peticioni drejtuar UEFA-s ka kapur shifrën e 12500 nënshkrimeve deri tani dhe numri sa vjen e rritet. Ky peticion ka nisur dje dhe synon të mbledhë të paktën 20 mijë nënshkrime, por me ritmin që po ecën ka të ngjarë që kjo shifër të plotësohet brenda ditës së sotme. Teksti për të cilin ne nënshkruajmë si shqiptarë është kjo kërkesë drejtuar UEFA-s: "UEFA, dëno Serbinë për racizëm dhe dhunë, jo për "pushtim të fushës. Përmes këtij peticioni, ne firmëtarët, kërkojmë nga UEFA të dënojë Serbinë për shfaqje të propagandës raciste dhe përdorimit të gjuhës së urrejtjes kundër Shqiptarëve më 14 Tetor 2014 në Beograd gjatë ndeshjes mes Serbisë dhe Shqipërisë"
