Megjithatë arma sekrete e shtetit islamik është një tjeter: portofoli. Kalifati i porsashpallur eshte nje fabrike terrori qe numeron 2 apo 3 milione dollare ne dite, shkruan e perditshmja italiane 'La Repubblica', e cila citon nje ish-funksionar te Thesarit Amerikan Matthew Levitt te pohoje se "ISIS-i eshte grupi ekstremist me i pasur me te cilin jemi perballur ndonjehere".
Ne muajin qershor, siç deshmon permbajtja e 160 USB-ve te sekuestruara ne Mosul nga sherbimi sekret irakian, xhihadistet kishin ne nje kasaforte plot 825 milione dollare kesh. Ndersa fondet e perftuara nga grabitjet, gjoba e vena ne rajonet e pushtuara, zhvatjet e donacionet, i bejne gati te paprekshem nga sanksionet ekonomike qe gjunjezuan Osama Bin Ladenin.
Megjithate, ari i zi mbetet zeri kryesor i te ardhura te organizates terroriste. ISIS-i kontrollon prej kohesh puset siriane te naftes ne provincen Deir al Zor, ku sipas sherbimeve amerikane te inteligjences arrin te pompoje 30 deri ne 70 mije fuci ne dite. Ofensiva ne Irak nga ana tjeter con ne duart e ekstremisteve dhe toka naftembajtese ne rajonet e pasura veriore, ku dalin dhe 40.000 fuçi te tjera ne dite.